Non-PTA phone pe ye kaise chal jata hai?
Ye roaming eSIM hai, Pakistani local SIM nahi. PTA registration local SIM ke liye chahiye hoti hai. eJurs data foreign network se aata hai, is liye non-PTA phone pe bhi chalta hai — bas phone eSIM support kare.
Calls aur SMS milenge?
Nahi. Ye sirf data hai. Calls aur SMS nahi milte. WhatsApp call, IMO, Messenger — sab data pe chalte hain, wo theek chalenge.
Refund policy kya hai?
Agar QR use nahi kiya (activate nahi hua) to 7 din ke andar poora refund. Activate hone ke baad refund nahi hota, kyun ke data allocate ho jata hai. Technical masla ho to pehle support se baat karein — hum theek kar dete hain.
Kitni der mein milta hai?
Payment confirm hone ke baad 2 se 10 minute. Manual payment (JazzCash, Easypaisa, bank) mein screenshot check karna hota hai, is liye thora waqt lag sakta hai. Card aur USDT foran.
Konse phones support karte hain?
iPhone XR aur us se naye, Samsung S20 aur naye, Google Pixel 3a aur naye, kuch Xiaomi / Oppo / Huawei models. Upar checker se apna model dekh lein ya *#06# dial karein.
Data khatam ho jaye to kya karein?
Top-up kar lein. Naya data usi eSIM mein add ho jata hai jo pehle se aapke phone mein lagi hai — na naya QR, na dobara install karna. Top-up se validity bhi barh jati hai. Apni eSIMs aur bacha hua data "Meri eSIMs" mein dekh sakte hain.
Kya JV phone pe eJurs chalti hai?
Nahi. JV yani carrier-locked phone support nahi karte, is liye aise phone ke liye eJurs na khareedein. Non-PTA aur JV alag cheezein hain: unlocked non-PTA phone bilkul theek chalta hai, kyunke eJurs roaming eSIM hai aur PTA registration ki zaroorat nahi. Yaqeen na ho to upar wale checker se apna model dekh lein ya WhatsApp pe humein bata dein.
Non-PTA phone mein eSIM kitne din chalti hai?
Jitni plan ki validity hai — 7 ya 30 din — aur top-up se aage bhi. PTA ka 60 din wala block is par lagu nahi hota, kyunki ye roaming eSIM hai, local SIM nahi. Jazz ya Zong ki local eSIM alag cheez hai: non-PTA phone mein wo bhi plastic SIM ki tarah 60 din baad block ho jati hai.
Non-PTA phone, refund, delivery ka waqt — sab kuch neeche saaf likha hai. Phir bhi confusion ho to seedha pooch lein. Agent se poochein.